O alumeado público supón un gasto importante dos recursos públicos e é o principal causante da contaminación luminosa dos pobos e cidades, ademais, o seu estado actual presenta moitas carencias.
Para paliar estes problemas é necesario dispor dunha solución integral de control e xestión que proporcione funcións avanzadas de control, indique a enerxía requirida en cada instante e xere un aforro importante.
ISOSI Smart Lighting é unha solución baseada na telexestión de luminarias que permite o monitoreo e control da infraestrutura de alumeado público, detectando as posibles desviacións de consumo, incidencias ou avarías a nivel operativo e permitindo confeccionar informes e lograr aforros.
A solución non só permite garantir a maior eficiencia enerxética, senón que ten aplicacións á seguridade pública e viaria ao integrarse con outros dispositivos, como cámaras de visión artificial ou sensores de afluencia ou ruído. Así mesmo, o control remoto aplicado a luminarias con variación cromática pódese atribuír un uso de iluminación adaptativa ornamental que se pode regular en función ás necesidades do público ou do monumento.
ISOSI Smart Lighting é un conxunto de sistemas para a xestión do alumeado público, que combina as últimas tecnoloxías sen tíos do momento (Zigbee), que destacan pola súa fiabilidade e a sinxeleza de instalación e configuración. Esta tecnoloxía, combinada con tecnoloxías de transmisión de datos móbiles (GPRS/3G/ ... ) e tecnoloxías de rede tanto sen fíos (WiFi) como con tíos (Ethernet) permite realizar un control exhaustivo da instalación de alumeado público.
• Xestión remota punto a punto das luminarias, detectando irregularidades no consumo ou avarías, así como a recompilación de informes de consumo e aforro
• Luz adaptativa e variable en intensidade e cor, baseada na presencia en tempo real de persoas ou densidade do tráfico ou escenarios predeterminados
• Obtención de parámetros medioambientais a través de sensores externos: ruído, polución no aire, temperatura, humidade, brillo, densidade de tráfico, etc.
ISGW-IOT é un controlador centralizado IOT que emprega as redes públicas e as redes privadas para proporcionar comunicación a longas distancias, fiables e seguras, eliminando a necesidade de tíos e proporcionando unha ponte entre o sistema de monitorización e o centro de control a través de GPRS, WiFi, a comunicación Ethernet, e por medio do protocolo de comunicación Zigbee cos nodos de control de cada luminaria.
Emprega procesador industrial de 32-bit de última xeración e proporciona comunicación sen tíos e comunicación a través de portas serie (RS232/RS485), portas LAN (4) e un porto WAN e entradas e saídas analóxicas ou dixitais, podendo funcionar como punto de acceso WiFi, repetidor ou STA, polo que pode ser conectado a dispositivos WiFi, dispositivos de rede local e dispositivos con comunicación serie.
O controlador das luminarias ISNODE-ZB acóplase as luminarias a través do conector NEMA e contén no seu interior un circuito de medición en tempo real de corrente e de tensión, de consumo de electricidade e de carga de traballo. Dotado con comunicación Zigbee pode integrarse en redes punto a punto ou multipunto de maneira transparente formando parte de redes en estrela ou malladas.
• Acendido e apagado da luminaria en remoto ou de maneira autónoma, con diferentes opcións entre as que destaca a programación de dous ou máis niveis, con funcións de reloxo astronómico para o cálculo do punto central da noite e programas de alumeado preestablecidos, contando cun modo a proba de erros de maneira que, se o nodo está fora de servizo, a luminaria permanecerá sempre acendida.
• Analizador de rede integrado que permite monitorizar os parámetros eléctricos (tensión, corrente, enerxía, potencia, factor, potencia activa e reactiva) da luminaria de forma individual.
• Capaz de xerar alarmas en tempo real en función dos cambios no funcionamento da lámpada. Sensor de temperatura integrado para detección de avarías no equipo.
Plataforma software que permite o monitoreo e control da infraestrutura de alumeado público para xestionar integralmente tódolos servizos relacionados co alumeado dende unha mesma plataforma. Baseado na nube, cun avanzado sistema de xestión de usuarios, o software de control está deseñado para xestionar eficientemente os proxectos de alumeado público, independentemente do seu tamaño.
Tamén se dispón dunha APP para teléfonos intelixentes para a configuración e o diagnóstico sinxelo das luminarias, tendo acceso aos históricos das medidas e ás alarmas xeradas polo ISNODE-ZB e permitindo a posta en marcha da instalación dunha maneira máis sinxela e intuitiva.
• Baseado na nube, estable, seguro e interoperable
• Interface sinxela e intuitiva
• Funcionamento automático do alumeado da rúa con programación avanzada baseada en calendario astronómico e/ou sensores de luz / movemento cun número ilimitado de lámpadas e agrupación de lámpadas
• Xestión enerxética: información detallada do consumo enerxético a nivel de panel de control e de cada luminaria con detección de desviacións de consumo en tempo real, control do consumo eléctrico, alertas en tempo real e xestión de avarías
• Xestión de inventariado: sistema de xestión do inventariado de activos centralizado. Detección de incidencias no alumeado público para acelerar os tempos de resposta e funcións específicas para o mantemento correctivo e predictivo
• Visualización de mapas, localización xeográfica das lámpadas e o seu estado
• Xestión de usuarios avanzada: roles e asignación a grupos
• Análise de datos, ferramentas de informes e gráficos de rendemento, contando cun rexistro das accións realizadas
• Soporte de aplicacións de teléfonos intelixentes para a instalación e posta en marcha
• Interface multi-idioma e multi-dispositivo (PC, tableta ou móbil)
Polígono Industrial da Granxa. Avenida Principal, nave 8. 36475 - O Porriño (Pontevedra)
(+34) 986 31 74 91
(+34) 727 743 645
comercial@isosi.es
© Copyright 2021 ISOSI - Tódolos dereitos reservados
